"Манчестер Юнайтед" Премьер-лига стартида сўнгги 35 йилдаги энг ёмон натижасини кўрсатди.
Бугун Эрик тен Хаг шогирдлари 7-тур доирасидаги сафарда “Астон Вилла” билан дуранг ўйнади (0:0).
АПЛнинг жорий мавсумида “Манчестер Юнайтед” 2 ғалаба, 2 дуранг ва 3 мағлубият қайд этган. Жамоа 8 очко жамғарган ҳолда турнир жадвалининг 14-поғонасида бормоқда.
Бу манкунианликларнинг 1989/90 йилги мавсумдан кейин энг ёмон натижаси бўлиб, ўшанда жамоа дастлабки 7 турда 7 очко жамғарган. Ўша мавсум якунига кўра, "Манчестер Юнайтед" 13-ўринни эгаллади ва бу Алекс Фергюсон давридаги жамоанинг энг ёмон натижаси бўлди.
