"Ан-Наср" ҳужумчиси Криштиану Роналду Саудия Арабистони чемпионатининг навбатдаги турида «Ал-Оруба» дарвозасига гол урди.

Футбол тарихи ва статистикаси халқаро федерацияси (IFFHS) ҳисоб-китобига кўра, португалиялик футболчи топ-даражадаги 600-ўйинда гол уришга муваффақ бўлди ҳамда бу маррани забт этган илк ўйинчига айланди.

Лионель Месси фаолияти давомида 556 та баҳсда тўп киритган. Кейинги ўринларни қуйидаги футболчилар эгаллаб турибди:

1. Криштиану Роналду — 600
2. Лионель Месси — 556
3. Ромарио – 479
4. Пеле – 456
5. Роберт Левандовски – 444
6. Ференц Пушкаш – 434
7. Луис Суарес – 423
8. Златан Ибраҳимович – 417.

Роналду 374 та ўйинда биттадан, 160 та баҳсда иккитадан, 55 та учрашувда 3 тадан, 9та ўйинда тўрттадан гол урган. Шунингдек, Криштиану иккита ўйинда 5 тадан гол муаллифи бўлган.