"Ювентус" ва Италия терма жамоасининг собиқ ҳимоячиси Леонардо Бонуччи 2017 йилда қандай қилиб хорижнинг топ-клубига ўтиши мумкин бўлганлигини айтди.
"Ўша пайтда Аллегри билан келишмовчиликлар туфайли "Милан"га кўчиб ўтдим. "Манчестер Сити" ва "ПСЖ" ҳам мени қўлга киритишни исташди, лекин мен ўзимни хорижда кўрмадим. "Милан"да янги цикл бошланди, улар мени сардор ва бошқалар учун йўлбошчи сифатида кўришди. Мавсум охирида режалар ўзгарди ва менга бошқа жой йўқлигини айтишди. Кейин мен "Ювентус"га қайтишга қарор қилдим", - дея эслайди ўтган ёзда фаолиятини якунлаган Бонуччи Sky нашрига берган интервьюсида.
