Ҳужумкор ярим ҳимоячи Александр Головин фаолияти ҳақида гапирди. Футболчидан янги шартнома имзолаб, ўнинчи рақамни олганидан кейин "Монако" афсонасига айланишни хоҳлайсизми, деб сўрашди.
"Клуб афсонасига айланишни хоҳлайман, дейиш қийин. Мен жамоамга имкон қадар кўпроқ фойда келтирмоқчиман. Ҳа, албатта, 10 рақамни доим ёқтирардим. Шунинг учун имкон қадар фойдали бўлишга ҳаракат қиламан", - дейди Головин.
Александр Головин “Монако”да олти йилдан ортиқ 2018/2019 йилги мавсумдан бери ўйнаб келмоқда. Умуман олганда, ярим ҳимоячи Лига 1 клуби сафида 210 та расмий ўйин ўтказиб, 31 та гол ва 39 та голли узатмани амалга оширган.
