Бразилиянинг "Коринтианс" клуби молиявий муаммолар туфайли нидерландиялик ҳужумчи Мемфис Депай билан шартномани муддатидан олдин бекор қилиш ҳақида ўйламоқда. Бу ҳақда Mundo Deportivo хабар бермоқда.

Манбага кўра, 30 ёшли футболчининг маошини асосан клубнинг бош ҳомийси Esportes da Sorte тўлайди. Бироқ, компания Бразилия ҳукумати томонидан "жиноий фаолият" бўйича тергов олиб борилаётгани сабабли қулаш арафасида.

Депай 2024 йилнинг ёзида "Атлетико Мадрид" билан шартномаси тугаганидан кейин "Коринтианс"га ўтган эди. Унинг Бразилия клуби билан шартномаси 2026 йил охиригача амал қилади.