"Бавария" вингери Серж Гнабри Бундеслиганинг 6-туридан ўрин олган "Айнтрахт"га қарши ўйиндаги дуранг ҳақида фикр билдирди. Учрашув 3:3 ҳисобида якунланди.
"Айнтрахт"да кўп имкониятлар бўлмади, лекин улар ўз имкониятларидан фойдаланишди. Ўйинни назорат остида ўтказдик. Албатта, бундай яхши ўйиндан кейин 3:3 биз учун жуда ачинарли эди. Ўйлашимча, биз жуда яхши ўйнадик, ҳаммасини назорат қилдик, кўп ҳужум қилдик. Якунда уйга ғалаба билан қайтишимиз керак эди.
Бу футбол. Лекин Франкфуртда ҳам яхши ҳужумкор футболчилар бор. Бу биз учун ачинарли, лекин биз давом этишимиз мумкин. Ўйлайманки, биз шунчалик кўп ҳужум қилсак, ўйинда устунлик қилсак, тўпга шунчалик эгалик қилсак, бу рақибни чарчатади", - дея Гнабрининг сўзларини келтиради клуб матбуот хизмати расмий сайтида.
