«Пахтакор» - «Динамо» учрашувидаги баҳсли вазиятлар юзасидан Эксперт-ҳакамлар комиссияси хулосаси эълон қилинди.
Ўзбекистон футбол ҳакамлари маркази мазкур учрашув тугагач, Эксперт-ҳакамлар комиссиясининг навбатдаги йиғилишини ўтказди ва баҳсли вазиятлар таҳлил қилинди. Ўйинда 4 та баҳсли вазият юзага келди.
1-вазият. «Пахтакор» - «Динамо» тўқнашуви: мезбонларнинг голи
«Пахтакор» - «Динамо» учрашувининг 9-дақиқасида мезбонлар гол уришга муваффақ бўлди. Бош ҳакам Олим Тўйчибоев ВАР билан мулоқотдан сўнг офсайд йўқлигини қайд этди ва голни инобатга олди.
Эксперт-ҳакамлар комиссияси қарори: Бу вазиятда ВАР ҳолатга аралашмасдан тўғри қилган. Боиси, офсайд бор-йўқлигини аниқловчи чизиқ техник муаммо сабаб ишламаган. ВАРда етарли исбот бўлмагани учун ВАР ҳаками ҳолатга аралаша олмайди. Эксперт-ҳакамлар комиссияси бош ва ВАР ҳакамнинг қарорини қўллаб-қувватлайди, аммо биринчи ёрдамчи ҳакамни хато қилган, деб ҳисоблайди.
