Каталониянинг "Барселона" клуби вингери Ламин Ямал жамоанинг жорий мавсумдаги натижалари ҳақида гапирди. "Кўк-анорранглилар" Испания чемпионати пешқадами сифатида "Реалъдан 3 очколик фарқ билан халқаро танаффусга чиқди.
"Биз бу мавсумдан завқ олмоқдамиз. Фликнинг услубидан мамнунмиз. Унинг футболи талабчан, лекин охир-оқибат, сиз прессинг ва тўпни ютганингизда, ўйинни назорат қиласиз. Флик, ўйинчи кўп ёки кам ўйнашидан қатъи назар, ҳаммага бир хил муносабатда бўлади", - дейди Ламин.
Ямал жорий Испания чемпионатида аллақачон 4 та гол ва 5 та голли узатмани амалга оширган.
