«Манчестер Юнайтед» бош мураббийи Эрик тен Хаг клуб расмийларидан жамоанинг шахсий ҳаёти ва хавфсизлигини таъминлаш учун базага девор ўрнатишни сўради. "Daily Mail" хабарига кўра, «қизил иблислар» девор учун тахминан 200 минг фунт сарфлаган.

Қайд этилишича, «Манчестер Юнайтед» ходимлари саросимага тушиб қолган, чунки клубнинг янги хўжайинлари харажатларни камайтириш учун қаттиқ чоралар кўришган ва ҳаттоки баъзи ходимларни ишдан бўшатишган.

Манбанинг эслатишича, 2015 йилда Луи ван Галнинг илтимосига кўра «Манчестер Юнайтед» базасида шамол тўсиқлари ўрнатилган эди.