Браим Диас «Барселона»га қарши ўйинга қадар тикланиши мумкин.

Мадриднинг «Реал» клуби ярим ҳимоячиси 14 сентябрь куни «Реал Сосьедад» билан Ла Лиганинг 5-тур учрашувида (2:0) сонидан жароҳат олган эди. Клуб футболчининг 3 ойдан кейин қайтишини режалаштирган. Бироқ, Диас шу ҳафта машғулотларни бошлади ва ўзини яхши ҳис қилмоқда.

Айни пайтда унинг қайтиши мумкин бўлган сана октябрь ойининг охири деб ҳисобланади. Шу тариқа, унинг 26 октябрь куни «Барселона» билан ўйинда иштирок этиши ҳам истисно эмас. 22 октябрь куни Чемпионлар лигасида «Боруссия»га қарши ўйинда бир неча дақиқа ўйнаш ҳам мумкиндек кўринади.

Шу билан бирга, клуб ҳам, футболчи ҳам нотўғри қадамлар ташлаб, майдонга қайтишни тезлаштирмоқчи эмас.