"Дэвис кубоги". Ўзбекистон терма жамоасининг кейинги рақиби маълум бўлди. Ўйинлар яна Тошкентда бўлади!

Теннис бўйича эркаклар терма жамоалари орасида норасмий Жаҳон чемпионати бўлмиш "Дэвис кубоги" мусобақасининг I Жаҳон гуруҳи ва унга плей офф босқичи учун қуръа ташланди.

Ёдингизда бўлса, Ўзбекистон терма жамоаси сентябрь ойида II Жаҳон гуруҳи доирасида Эстонияни қабул қилиб, 3:1 ҳисобида ғалаба қозонган эди.

Мазкур ғалаба орқали I Жаҳон гуруҳи учун плей офф босқичига йўл олган терма жамоамизнинг кейинги рақиби номи маълум бўлди. Унга кўра, Сергей Лебедь шогирдлари плей офф босқичида Босния ва Герцеговина терма жамоасига қарши баҳс олиб боради.

Ўйинлар 2025 йилнинг февраль ойида Тошкентда ўтказилади. Ҳозирча турнирга қайси мажмуа ва қандай турдаги кортлар мезбонлик қилиши номаълум.

Жамоалар шу кунгача ўзаро ўйин ўтказмаган. Босния ва Герцеговина терма жамоаси сўнгги ўйинини I Жаҳон гуруҳи доирасида сентябрь ойида Хитой Тайпейига қарши ўтказиб, 3:2 ҳисобида имкониятни бой берган эди.

Маълумот учун, Ўзбекистон терма жамоаси "Дэвис кубоги" рейтингида айни дамда 287,5 очкога эга бўлган ҳолда 42-ўринни эгаллаб турибди. Босния ва Герцеговина эса рейтингда 30-ўринга жойлашган.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

10/10 05:00	Перу	-	Уругвай
10/10 14:10	Австралия	-	Хитой
10/10 19:00	Ўзбекистон	-	Эрон
10/10 19:00	Иордания	-	Жанубий Корея
10/10 21:00	Баҳрайн	-	Индонезия
10/10 21:00	Қатар	-	Қирғизистон
10/10 21:00	Уммон	-	Кувайт
10/10 21:00	БАА	-	КХДР
10/10 23:00	Ироқ	-	Фаластин
10/10 23:00	Саудия Арабистони	-	Япония
11/10 01:00	Боливия	-	Колумбия
11/10 02:00	Эквадор	-	Парагвай
11/10 02:00	Венесуэла	-	Аргентина
11/10 05:00	Чили	-	Бразилия

"Дэвис кубоги". Ўзбекистон терма жамоасининг кейинги рақиби маълум бўлди. Ўйинлар яна Тошкентда бўлади!

ЭНГ КЎП ЎҚИЛГАН ЯНГИЛИКЛАР