"Барселона" футболчилари Ламин Ямал ва Рафинья Диас мавсумни ажойиб бошлашди, буни статистика ҳам тасдиқлайди.
17 ёшли испаниялик ўйин вақтида яратилган аниқ голли вазиятлар сони бўйича (стандартларни ҳисобга олмаганда) бешта етакчи Европа чемпионатларида пешқадамлик қилмоқда – тўққизта имконият, деб хабар беради Squawka. Иккинчи ўринда "Барселона"нинг яна бир вакили Рафинья Диас (саккизта имконият). "Челси" юлдузи Коул Палмер еттита имконият билан кучли учликни якунлаб турибди. Рейтингнинг тўртинчи поғонасини "Арсенал"дан Букайо Сака ва Франкфуртнинг "Айнтрахт" клубидан Омар Мармуш бўлишди – олтитадан.
Ламин Ямал жорий Ла Лигада тўртта гол урган ва бешта голли узатмага муаллифлик қилган, Рафиньяда эса бу кўрсаткич 5+5.
