Италия терма жамоаси бош мураббийи Лучано Спалетти жамоаси футболчиларининг кайфиятидан мамнун.
Бугун соат 23:45да италияликлар Миллатлар лигасидаги Бельгияга қарши майдонга тушишади. "Скуадра Адзурра" бош мураббийи Евро-2024даги муваффақиятсизликдан сўнг жамоани қайта қуриш кераклигини бир неча бор таъкидлаган. Айни дамда "Наполи"нинг собиқ бош мураббийи жамоадаги муҳитдан қониқиш ҳосил қилмоқда.
"Машғулотларда мен ўтган ойдагидек, ҳатто ундан ҳам кўпроқ қатъиятни кўрдим. Бу ёрқин келажакка умид бахш этади. Ўйинчилар яхши муносабатда бўлишмоқда ва бир-бирларига ёрдам беришга интилишмоқда.
Мен ўзимни нимага қодирлигини кўрсатишга чанқоқ футболчилар қуршаб олгандек ҳис қиляпман. Бельгияга қарши ўйин бизнинг узоқ муддатли ривожланишимиз учун муҳим ва мен бунга аввалги икки ўйиндагидек фикр юритишимизни кутаман. Менда ижобий ҳислар бор", - дея Спалетти сўзларини келтиради Football Italia.
