Италия терма жамоаси бош мураббийи Лучано Спалетти Лондоннинг "Арсенал" клуби ҳимоячиси Риккардо Калафьори ўйинига юқори баҳо берди.
"Калафьори керакли вақтда керакли жойда бўлиш қобилиятига эга. У жасур, масъулиятни ўз зиммасига олишдан қўрқмайди ва у ҳали жуда ёш бўлса ҳам, етукликка эришган. У турли позицияларда ўйнашни ўрганди, бу ҳам унга яхши футболчи бўлишга ёрдам берди.
Риккардонинг Премьер-лигадаги тажрибаси Италия терма жамоаси учун катта плюс. Биз учун хориж чемпионатлари муҳитини яхши биладиган футболчилар бўлиши муҳим", - деди Спалетти Миллатлар лигаси доирасида Бельгияга қарши ўйин олдидан ўтказилган матбуот анжуманида.
