"Барселона" футболчиси Рафинья Диас жорий мавсумни ажойиб бошлади. У бу ҳақда ўз фикрларини билдирди.
"Ишонч билан айта оламанки, мен фаолиятимдаги энг яхши даврлардан бирини ўтказяпман", - дея тан олади Рафинья. - Тўғрисини айтсам, олти ой олдин мен бошқа позицияда ўйнашга мослашишни хоҳламаган бўлардим. Ҳужумнинг ўнг қанотида ўзимни энг қулай ва ишончли ҳис қилардим.
Бир куни мен "Барселона" ва Бразилия терма жамоасида ўйнашни истасам, ҳар қандай позицияга мослаша олишим ва ўзимни исботлай олишим кераклигини англадим. Бу бурилиш нуқтаси эди. Рақобат жуда жиддий, мени юқори савиядаги футболчилар ўраб олишган", деди 27 ёшли вингер Ge Globo нашрига берган интервьюсида.
