"Реал"нинг собиқ ҳужумчиси Хоселунинг фикрича, Килиан Мбаппе Криштиану Роналду йўлидан бориш ниятида.
Аввалроқ "ПСЖ"да тўп тепган франциялик форвард жорий мавсум бошланишидан аввал "Лос-Бланкос" сафига келиб қўшилди.
"Роналду - "Реал Мадрид"нинг энг буюк футболчиси, футбол тарихидаги энг яхши тўпурар. Мбаппенинг мақсади шунга ўхшаш кўрсаткичларга эришиш бўлади, аммо Криштиану сони ва тарихий ҳиссаси бўйича "Реал"да ўйнаган энг яхши футболчи. Мбаппе ҳам клубда ўз изини қолдиришни хоҳласа керак. У аста-секин бу йўлдан бормоқда, у ўз ҳикоясини ёзади", - дея Хоселунинг сўзларини келтиради Madrid Universal.
