Франция чемпиони «ПСЖ» Италиянинг амалдаги чемпиони «Интер» ҳужумчисига қизиқиш билдирмоқда.
Гап Маркус Тюрам ҳақида кетмоқда. "Calciomercato" хабарига кўра, Франция топ-клуби вакиллари бу мавсумда «нерадзуррилар» ўйинларига бир неча бор ташриф буюрган. Улар Маркус Тюрамни кузатиб бормоқда. Тюрамнинг шартномасидаги товон пули 90 миллион еврони ташкил қилади. Эҳтимол, 2025 йилнинг ёзида парижликлар франциялик ҳужумчини ўз сафига қўшиб олишга ҳаракат қилишлари мумкин. Тюрамнинг «Интер» билан шартномаси 2028 йилнинг ёзига қадар мўлжалланган. У 2023 йилнинг ёзидан буён «Интер»да тўп тепади.
Жорий мавсумда у барча мусобақаларда саккизта ўйинда етти гол ва учта голли узатмага муаллифлик қилди.
