Fransiya chempioni «PSJ» Italiyaning amaldagi chempioni «Inter» hujumchisiga qiziqish bildirmoqda.
Gap Markus Tyuram haqida ketmoqda. "Calciomercato" xabariga ko‘ra, Fransiya top-klubi vakillari bu mavsumda «neradzurrilar» o‘yinlariga bir necha bor tashrif buyurgan. Ular Markus Tyuramni kuzatib bormoqda. Tyuramning shartnomasidagi tovon puli 90 million yevroni tashkil qiladi. Ehtimol, 2025 yilning yozida parijliklar fransiyalik hujumchini o‘z safiga qo‘shib olishga harakat qilishlari mumkin. Tyuramning «Inter» bilan shartnomasi 2028 yilning yoziga qadar mo‘ljallangan. U 2023 yilning yozidan buyon «Inter»da to‘p tepadi.
Joriy mavsumda u barcha musobaqalarda sakkizta o‘yinda yetti gol va uchta golli uzatmaga mualliflik qildi.
