"Реал Мадрид" бош мураббийи Карло Анчелотти жамоани кучайтириш зарурлигига ишонч билдирмоқда.
"Лос-Бланкос"да ҳозирда бир қатор муҳим футболчилар касалхонада, жумладан Даниэль Карвахал, Эдер Милитао ва Давид Алаба. Marca хабарига кўра, Анчелотти "Реал Мадрид" янги ўйинчиларни сотиб олиши керак деб ҳисоблайди. Мутахассис бу сўров билан аллақачон раҳбариятга мурожаат қилган. Италиялик мутахассиснинг сўзларига кўра, жамоа кўп сонли жароҳатлар ва тиғиз ўйинлар тақвимини инобатга олган ҳолда, таркибни кучайтирмасдан туриб, жорий мавсумда ўз мақсадларига эриша олмаслик хавфи бор.
19 октябрь куни Мадрид гранди Ла Лига доирасида "Сельта" билан меҳмонда учрашув ўтказади.
