"Ливерпуль" дарвозабони Алиссон Беккер жорий Премьер-лигада зарбаларни қайтариш фоизи бўйича етакчилик қилмоқда.

WhoScored хабарига кўра, бразилиялик дарвозабон "Ливерпуль" дарвозасига йўлланган зарбаларининг 88,2 фоизини қайтарган. Рейтингнинг иккинчи поғонасида "Ньюкасл"дан Ник Поуп - 81,1%, учинчи ўринда "Арсенал"дан Давид Райя - 80,6%. Рўйхатда кейинги ўринларда Роберт Санчес ("Челси") – 80,5 фоиз ва Матц Селс ("Ноттингем Forest") – 76,0 фоиз.

Эслатиб ўтамиз, Алиссон тиззасидан олган жароҳати сабаб бўлажак ўйинларда "Ливерпуль"га ёрдам бера олмайди. 32 ёшли дарвозабоннинг сафга қайтиши ноябрь ойининг иккинчи ярмига мўлжалланган.