Англия терма жамоасининг вақтинчалик бош мураббийи Ли Карсли терма жамоадаги келажаги ҳақида гапирди.

"Менинг вазифам бошиданоқ аниқ эди. Олдинда учта ўйин бор, умид қиламанки, мен 21 ёшгача бўлганлар сафига қайтаман. Бу вазиятга деярли таъсир қилмайди.

Шу муносабат билан ҳеч нарса ўзгармади. Менинг вазифам учта йиғинни ўтказиш ва кейин ишларни топширишдир. Менга омад кулиб боқдики, мен ёшлар жамоасида аллақачон яхши ишлаганман, лекин биринчи йиғиндан сўнг, иккита ҳақиқатан ҳам яхши ўйинлардан сўнг, амбицияларим ўзгармади. Муҳими, кейинги учта ўйинда бор кучимни бериш", деди Карсли.

Навбатдаги учрашувда Англия терма жамоаси Финляндия терма жамоаси билан учрашади. Ўйин 13 октябрь куни бўлиб ўтади.