"Ливерпуль" ҳимоячиси Трент Александер-Арнольд "Реал"га ўтиши ҳақидаги хабарларга қарамай, "мерсисайдликлар" сафида қолиши мумкин.
Deadlinedaylive нашри маълумотларига кўра, томонлар сўнгги ҳафталарда музокаралар олиб боришган ва бир оз олдинга силжишган. Трент ва "қизиллар" ўртасидаги амалдаги шартнома келаси ёзда тугайди.
Эслатиб ўтамиз, Александр-Арнольд "Ливерпуль" сафида 2016 йилнинг ёзидан буён ўйнаб келмоқда. Футболчининг бозор қиймати 70 миллион еврога баҳоланмоқда. Премьер-лиганинг жорий мавсумида Трент еттита ўйин ўтказиб, битта голли узатмани амалга оширди.
