Opta портали Лионель Месси ва Криштиану Роналдунинг ҳозирги жамоасининг кучига баҳо берди. Аргентиналик ҳужумчи ҳозир Американинг “Интер Майами” клубида ўйнайди, португалиялик ҳужумчи эса Саудиянинг “Ан-Наср” жамоаси шарафини ҳимоя қилади.
Тадқиқот натижаларига кўра, мутахассислар Роналду жамоасини Месси жамоасидан кучлироқ деб ҳисоблашган. Рейтингда "Ан-Наср" 92-ўринни эгаллаган бўлса, "Интер" 98-ўринни эгаллаб турибди.
Аввалроқ Opta таҳлилчилари дунёнинг энг яхши футбол клуби номини эълон қилишганди. Рейтингда биринчи ўринни сўнгги тўрт мавсум давомида Премьер-лига чемпионига айланган Англиянинг “Манчестер Сити” клуби эгаллади.
