Opta portali Lionel Messi va Krishtianu Ronalduning hozirgi jamoasining kuchiga baho berdi. Argentinalik hujumchi hozir Amerikaning “Inter Mayami” klubida o‘ynaydi, portugaliyalik hujumchi esa Saudiyaning “An-Nasr” jamoasi sharafini himoya qiladi.
Tadqiqot natijalariga ko‘ra, mutaxassislar Ronaldu jamoasini Messi jamoasidan kuchliroq deb hisoblashgan. Reytingda "An-Nasr" 92-o‘rinni egallagan bo‘lsa, "Inter" 98-o‘rinni egallab turibdi.
Avvalroq Opta tahlilchilari dunyoning eng yaxshi futbol klubi nomini e’lon qilishgandi. Reytingda birinchi o‘rinni so‘nggi to‘rt mavsum davomida Premyer-liga chempioniga aylangan Angliyaning “Manchester Siti” klubi egalladi.
