Бир қатор футболчилар бу мавсумда шартномаларсиз қолмоқда. Улар қаторида ҳаммага маълум юлдузлар ҳам мавжуд. Келинг уларни кўриб чиқамиз.
Серхио Рамос
38 ёшли Рамоснинг сўнгги клуби "Севилья" бўлган, шартнома шу ёзда якунланган ва ўтган мавсумда ҳимоячи андалусияликлар сафида барча турнирларда 37 та ўйин ўтказиб, 7 та гол ва битта голли узатмани амалга оширган.
Симон Кьер
Яна бир марказий ҳимоячи, 35 ёшли Симон Кьер клубдаги тўрт йиллик фаолиятидан сўнг май ойи охирида "Милан" билан хайрлашди.
Кейлор Навас
Уч карра Чемпионлар лигаси ғолиби 2024 йилнинг май ойида "ПСЖ"ни тарк этишини эълон қилди.
Жоэл Матип
33 ёшли камерунлик футболчига ҳар доим жароҳатлар тўсқинлик қилган, ўтган мавсумда у 2023 йилнинг 3 декабридан бери ўйнамаган. 2024 йилнинг май ойида эса "Ливерпул" футболчи билан хайрлашаётганини тасдиқлаган.
Марио Балотелли
Жанжалкаш ҳужумчи ўтган мавсумни Туркияда “Адана Демиспор” жамоасида ўтказди. Аммо турк клуби 34 ёшли ҳужумчи билан шартномани узайтирмади.
Лорис Кариус
Машҳур дарвозабон эндигина 31 ёшида лекин ишсиз! Кариуснинг охирги клуби "Ньюкасл" эди.
