"Челси" ҳимоячиси Марк Кукурелья АПЛдаги адолатсиз муносабатидан шикоят қилди.
26 ёшли Кукурелья ўтган ҳафта охирида "Ноттингем Форест"га қарши ўйинда Премьер-лиганинг жорий мавсумидаги бешинчи сариқ карточкасини олди ва энди "Челси"нинг кейинги ўйинида дисквалификация қилинади.
Кукурелья ўтган ёзда Евро-2024да Испания термаси билан ғалаба қозонгани учун бошқа жамоалар ҳакамлари ва мухлислари унга нисбатан нохолис муносабатда бўлганини ҳис қилмоқда.
"Энди одамлар сизни билишади ва сиз яхшироқ ишлашингиз керак. Европа чемпиони бўлиш - бу сиз билан абадий қоладиган тарихий ютуқ. Мен аллақачон бешта сариқ карточка ва бир нечта қоидабузарлик учун дисквалификация қилинганман. Мен улар учун кичик нишонга айландим.
"Мухлислар менга тезда ҳужум қилишади, айниқса биз меҳмонда ўйнаганимизда. Бу нормал ҳолат, чунки биз ғалаба қозондик, мен эса гол уришда иштирок этдим ва мен уларнинг майдонида ўйнаяпман... Улар ўзларини заиф ҳис қилишлари нормал ҳолат" - деди Кукурелья Cope билан суҳбатда.
