"Chelsi" himoyachisi Mark Kukurelya APLdagi adolatsiz munosabatidan shikoyat qildi.
26 yoshli Kukurelya o‘tgan hafta oxirida "Nottingem Forest"ga qarshi o‘yinda Premyer-liganing joriy mavsumidagi beshinchi sariq kartochkasini oldi va endi "Chelsi"ning keyingi o‘yinida diskvalifikasiya qilinadi.
Kukurelya o‘tgan yozda Yevro-2024da Ispaniya termasi bilan g‘alaba qozongani uchun boshqa jamoalar hakamlari va muxlislari unga nisbatan noxolis munosabatda bo‘lganini his qilmoqda.
"Endi odamlar sizni bilishadi va siz yaxshiroq ishlashingiz kerak. Yevropa chempioni bo‘lish - bu siz bilan abadiy qoladigan tarixiy yutuq. Men allaqachon beshta sariq kartochka va bir nechta qoidabuzarlik uchun diskvalifikasiya qilinganman. Men ular uchun kichik nishonga aylandim.
"Muxlislar menga tezda hujum qilishadi, ayniqsa biz mehmonda o‘ynaganimizda. Bu normal holat, chunki biz g‘alaba qozondik, men esa gol urishda ishtirok etdim va men ularning maydonida o‘ynayapman... Ular o‘zlarini zaif his qilishlari normal holat" - dedi Kukurelya Cope bilan suhbatda.
