Дортмунднинг "Боруссия" клуби "Манчестер Сити"дан ҳимоячи Ян Коутони сотиб олди.
Коуто август ойида Дортмундга 2024/25 йилги мавсум охиригача ижара асосида кетган эди. Ўшандан бери Ян Бундеслига клубида 7та ўйинда майдонга тушиб, жами 331 дақиқа ўйнади.
Коутонинг ижара шартномасига кўра, агар маълум шартлар бажарилган бўлса, Дортмунд футболчини сотиб олиши керак эди ва Sky Sports бу аллақачон содир бўлганини тасдиқлади.
Шу тариқа, "Манчестер Сити" 2020 йилдан бери ўзига тегишли бўлган, аммо "Этиҳад"да бирор марта ҳам клуб сафида бирорта ҳам расмий ўйин ўтказмаган 22 ёшли бразилиялик футболчининг трансферидан 25 миллион фунт стерлинг ишлаб олди.
