"Милан"нинг собиқ бош мураббийи Фабио Капелло 90-йилларнинг ўрталарида ҳозирги "Манчестер Сити" билан тахминан бир хил мақомга эга бўлган жамоасининг муваффақият сирларини эслайди.
Капеллонинг сўзларига кўра, “Милан”нинг ўша даврдаги муваффақиятлари кўп жиҳатдан жамоадаги ўйинчиларнинг бир-бирига бўлган катта ҳурмати билан боғлиқ.
"Жамоамда ҳамма бир-бирини ҳурмат қиларди. Агар сиз яхши жамоа яратмоқчи бўлсангиз, унда яхши руҳ бўлиши керак.
Ғалабаларга фақат шу йўл билан эришилади. Менга омад кулиб боқдики, жамоаларимда доим етакчилар, ишни тўғри йўлга қўйиш муҳимлигини тушунадиган одамлар бор эди", - дея Капеллонинг сўзларини келтиради pianetamilan.it.
