Қатар терма жамоаси дзюдо бўйича ҳарбийлар ўртасида ўтказиладиган 42-жаҳон чемпионатида иштирок этиш учун мамлакатимизга биринчилардан бўлиб етиб келди.
Мусобақа иштирокчилари Ислом Каримов номидаги Тошкент халқаро аэропортида Мудофаа вазирлиги масъуллари, чемпионатни ўтказишда бевосита ҳамкорлик қилаётган вазирлик ва идоралар вакиллари томонидан тантанали кутиб олинди.
Маълумот ўрнида, Ўзбекистонда илк бор ташкил қилинаётган чемпионат 14-20-октабр кунлари Тошкент шаҳрида жойлашган "Юнусобод" спорт мажмуасида ўтказилади. Унда 30 та давлатнинг 400 нафардан ортиқ ҳарбий дзюдочилари рақобатлашади.
