Qatar terma jamoasi dzyudo bo‘yicha harbiylar o‘rtasida o‘tkaziladigan 42-jahon chempionatida ishtirok etish uchun mamlakatimizga birinchilardan bo‘lib yetib keldi.
Musobaqa ishtirokchilari Islom Karimov nomidagi Toshkent xalqaro aeroportida Mudofaa vazirligi mas’ullari, chempionatni o‘tkazishda bevosita hamkorlik qilayotgan vazirlik va idoralar vakillari tomonidan tantanali kutib olindi.
Ma’lumot o‘rnida, O‘zbekistonda ilk bor tashkil qilinayotgan chempionat 14-20-oktabr kunlari Toshkent shahrida joylashgan "Yunusobod" sport majmuasida o‘tkaziladi. Unda 30 ta davlatning 400 nafardan ortiq harbiy dzyudochilari raqobatlashadi.
