"Палмейрас"нинг 17 ёшли футболчиси Эстевао Виллиан Криштиану Роналду ва Лионель Месси ҳақидаги саволга жавоб берди.
Келаси ёзда "Челси"га ўтадиган бразилиялик вундеркинд аввалроқ аргентиналик суперюлдузнинг ўйинларидан илҳомланганини тан олганди.
"Мен Мессининг футбол учун қилган барча ишлари, ўйини ва майдон ташқарисидаги хатти-ҳаракатлари учун унга мухлислик қиламан. Қолаверса, мен ҳам у каби чап оёқман.
Баъзилар истеъдод билан туғилади, бошқалари кўп меҳнат қилишлари керак. Месси ва Роналду яхши мисол. Месси истеъдодли, Роналду эса меҳнат маҳсули. Мен истеъдод ва меҳнатнинг комбинацияси бўлишни хоҳлайман.
Замонавий футболда ўзингни ишингга тўлиқ бағишлашинг керак - режимга риоя қилиш, кўп машқ қилиш, ўзингга ғамхўрлик қилиш. Сиз кўп нарсани қурбон қилишингиз керак. Фидойиликсиз узоққа боролмайсиз", - дея Эстевао сўзларини келтиради журналист Бен Жейкобс.
