Суперлигада 14-турнинг қолдирилган ўйини бўлиб ўтди. "Динамо" жамоаси "Навбаҳор"ни қабул қилди ва 0:1 ҳисобида имкониятни бой берди. Вадим Абрамов ўйин ҳақида фикрларини билдирди.

Нима ҳам дея оламан. Енгилдик. Нотўғри ўйнадик. Айниқса ҳужум ташкил этиш масаласида. Бугун гол кирита олмадик. Биринчи бўлиб тўп ўтказганимизда хотиржам эдим, аммо қайта олмадик. Бизни дарвозамизга берилган ғалати зарбалар ҳам гол бўлиб кетмоқда.

Рақиб бутун жамоа бўлиб ҳимояланди ва биз қийналдик. Сўнгги пас етишмади. Бугун ғалаба қозонмоқчи эдик. Ўзи олдиндан 3 очко олиб бўлган ўйинларингизда шундай холат кузатилади.

Кожо кетма-кет иккинчи ўйин йўқлиги сезилгандек?!

Биласизми, бундай ўйинлардан сўнг кўп нарсани баҳона қилиб кўрсатиш мумкин. Кожо бор пайтлари эътиборни ўзига олгани учун ҳам Анварда бўш зоналар кўп бўлар эди. Умуман олганда биз нотўғри ўйнаяпмиз. Муаммо шунда.

"Насаф" билан ўйиндан олдин кичик танаффус бўлади!?

Ҳа, биз қисқа муддатга таътилга. Шу ўринда бир омилга эътибор қаратинг. "Насаф" ҳам 30 та гол урган, биз ҳам 30 та урдик, аммо улар биринчи ўринда.