"Барселона" вингери Ламин Ямал Испания терма жамоасини тарк этишга мажбур бўлди. 17 ёшли футболчи Миллатлар лигасининг яқинда бўлиб ўтган ўйинида мушакларнинг ҳаддан ташқари юкланишидан азият чекди.

Юлдуз вундеркинд асосий таркибда майдонга тушди ва 93-дақиқагача ўйнади, шундан сўнг у алмаштирилди. Текширув Ямалнинг жароҳатини аниқламади, аммо футболчига барибир машғулотни эрта тарк этиб, "Барселона"га қайтишга рухсат берилди.

Mundo Deportivo таъкидлаганидек, Каталония клуби Ямал билан муаммоларни олдиндан билган, шунинг учун ҳам халқаро танаффус бошланишидан олдин улар ёш истеъдодга дам беришни сўраб Испания Футбол Федерациясига мурожаат қилишган. Бироқ "Барселона"нинг илтимосига эътибор берилмади.