Германия терма жамоаси бош мураббийи Юлиан Нагельсманн Райан Гравенберхнинг «Ливерпуль»даги муваффақияти ҳақида гапирди.
«Райан ҳозир ажойиб ишлаяпти, лекин мен ажабланмайман, чунки у ақлли йигит ва ажойиб футболчи.
Нега унинг учун «Бавария»да ҳаммаси яхши бўлмади? Унга ўзини кўрсатиш қийин эди, чунки бизда Киммих ва Горецка бор эди - иккаласини ҳам захира ўриндиғига қўйиш осон эмас. Гравенберх учун бу ғайриоддий ҳолат эди, чунки илгари у деярли доим «Аякс»да ўйнаган», - дея Нагельсманнинг сўзларини келтиради журналист Керри Хоу.
