Арманистон футбол федерацияси Александр Петраков Миллатлар лигаси доирасида Шимолий Македониядан учралган мағлубиятдан сўнг (0:2) бош мураббийлик лавозимидан озод этилгани ҳақида хабар берди.

Петраков Арманистон терма жамоасини 2023 йилнинг 14 январида қабул қилиб олган эди. 67 ёшли мутахассис қўл остида жамоа 18 та ўйин ўтказиб, шундан 4 тасида ғалаба қозонган. Бундан ташқари, жамоа 2024 йилги Европа чемпионатига ҳам чиқа олмади.

Бунгача мураббий Украина ёшлар терма жамоаси ва миллий терма жамоани бошқарган.