Ноябрь ойида Россия терма жамоаси Туркманистонга қарши ўйин ўтказиши мумкин эди. Бироқ, дастлабки келишувларга қарамай, томонлар ўйинни ўтказиш борасида келиша олишмади.
Спорт24 нашрининг вазиятдан хабардор манбасига таяниб хабар беришича, Россия ва Туркманистон терма жамоалари ўз майдонларида ўйин ўтказишни талаб қилишган. Айнан шунинг учун ҳам келишувга эришиб бўлмади. Бундай ҳолда, томонлар келажакда музокараларга қайтишлари мумкин, яъни ўйин кейинги халқаро ойларда ўтказилиши мумкин.
Аввалроқ, ноябрь ойида Россия терма жамоаси Бруней ва Сурияга қарши ўйнаши ҳақида маълумотлар пайдо бўлганди.
