Кениялик спортчи Рут Чепнгетич Чикаго марафонида ғолиб чиқди ва янги жаҳон рекордини ўрнатди.

У 42 км 195 м масофани 2 соат 9 дақиқа 57 сонияда босиб ўтди. Рут Чепнгетич марафонни бу вақтда босиб ўтган биринчи аёл бўлди.

Аввалги рекорд Эфиопия вакили Тигист Ассефе томонидан 2023-йилда Берлин марафонида ўрнатилганди - 2 соат 11 дақиқа 52 сония. 

Чепнгетич марафоннинг дастлабки беш километрини атиги 15 дақиқада босиб ўтди ва пойганинг биринчи ярмини 1:04:16да якунлади, бу эса аёллар ўртасидаги тарихдаги бешинчи энг тез ярим марафон вақти бўлди. Ғалаба кенияликка 100 000 доллар олиб келди ва у масофа рекордини янгилагани учун яна 50 000 доллар ютиб олди.