Ўзбекистон Республикаси Президентининг 1999 йил 2 мартдаги «9 майни Хотира ва Қадрлаш куни, деб нишонлаш тўғрисида»ги Фармони асосида мамлакатимизда ҳар йили 9 май - Хотира ва Қадрлаш куни умумхалқ байрами сифатида кенг нишонланиб келинмоқда.
Мен ҳам ўз ўрнида «Пахтакор-79» клубининг марҳум футбол фахрийларини яна бир бор ёдга олишга қарор қилдим. Бу санада футбол мухлислари ҳам ўзбек футболининг фахри бўлган «Пахтакор-79» клубининг 17 нафар аъзосини эслаб турамиз. Катта ёшли ватандошларимиз ҳанузгача 1979 йилнинг 11 август санасида юз берган машъум фожеани ёдга олиб эслашади. Бу бутун ўзбек халқнинг аза тутишига сабаб бўлган ҳодиса Днепродзержинск осмонида содир бўлган эди. Ўша футболчилар ҳар доим юрагимиз тўрида мангу яшайди. Уларни ҳеч бир ўзбек хонадони, айниқса, ўзбек футбол мухлислари эсдан чиқармаса керак. Раҳматли отам ҳам «Пахтакор» клубининг ашаддий мухлиси эди. Жойлари жаннатда бўлсин.
Ўзбек футболининг фахри ҳисобланган «Пахтакор-79» клубининг 17 нафардан иборат таркиби қўйидаги мазкур инсонлардан иборат эди:
1) Сергей Константинович Покатилов. 20.12.1950. (дарвозабон)
2) Юрий Тимофеевич Загуменних. 07.06.1947. (ҳимоячи)
3) Николай Борисович Куликов. 25.04.1953. (ҳимоячи)
4) Олим Масолиевич Аширов. 25.01.1955. (ҳимоячи)
5) Равиль Рустамович Агишев. 14.03.1959. (ҳимоячи)
6) Владимир Васильевич Макаров. 09.03.1947. (ярим ҳимоячи)
7) Александр Иванович Корчёнов. 04.05.1949. (ярим ҳимоячи)
8) Михаил Иванович Ан. 19.11.1952. (ярим ҳимоячи)
9) Константин Александрович Баканов. 25.05.1954. (ярим ҳимоячи)
10) Виктор Николаевич Чуркин. 25.01.1952 . (ҳужумчи)
11) Владимир Иванович Фёдоров. 05.01.1956. (ҳужумчи)
12) Владимир Валиевич Собиров. 14.01.1958. (ҳужумчи)
13) Шуҳрат Мўсинович Эшбўтаев. 08.02.1959. (ҳужумчи)
14) Сирожиддин Аҳмадович Бозоров. 10.08.1961. (ҳужумчи)
15) Идгай Борисович Тазетдинов. 13.01.1933. (жамоа мураббийи)
16) Владимир Васильевич Чумаков. 08.12.1932. (жамоа шифокори)
17) Мансур Иномжонович Толибжонов. 04.04.1944. (жамоа маъмури)
«Пахтакор-79» клубини эслаймиз, қадрлаймиз ва эса ҳеч қачон уларни унутмаймиз.
Абдумажид Қодиров
(UZBEKISTONIM никли мухлис)
