Германия терма жамоаси ёзда жамоани тарк этган футболчилар билан хайрлашди.
Евро-2024дан сўнг ўтган мавсум охирида терма жамоадаги фаолиятини якунлаган Мануэль Нойер, Томас Мюллер, Илкай Гюндоган ва Тони Кроос бугунги Нидерландияга қарши ўйинга чақирилди.
Мюнхендаги "Альянц Арена"да бўлиб ўтган Миллатлар лигаси доирасидаги (1:0) ўйин олдидан хайрлашув маросими бўлиб ўтди ва унда Нойер, Мюллер ва Гюндоган иштирок этди.
Мухлислар футболчилар шарафига перфоманс уюштиришди - стадионнинг жанубий трибунасида улар "Афсоналар" сўзини кўрсатишди ва миллий терма жамоани тарк этган футболчиларнинг суратлари ва "Ҳаммаси учун раҳмат, йигитлар" ёзуви туширилган баннерларни осиб қўйишди.
