Ўзбекистон U-20 терма жамоаси ҳимоячиси Ғиёсжон Ризақулов Уругвайга қарши ўйин олдидан ўз фикрларини билдирди.

— Октябрь ойида терма жамоа билан 4 та ўйин ўйнашимиз керак эди. 2 та учрашувни ўтказиб бўлдик, менимча, Аргентинага қарши керакли ўйинларда қатнашдик. Осиё кубогига кўп вақт қолмади, бу каби кучли рақибларга қарши ўйинлар орқали мусобақага тайёргарлик кўряпмиз.

Эртанги ўйин ҳақида

— Уругвай ҳам яхши жамоа, биз яна 2 та осон бўлмаган ўйинда майдонга тушамиз. Ўз имкониятимизни намойиш этиб, мураббийларимиз кўрсатмалари бўйича ҳаракатланамиз. Ўйинларда ғалаба қозонишга ҳаракат қиламиз.

Жамоадаги ички муҳит

— Ички муҳит яхши, ҳамма биргаликда меҳнат қиляпти. Ҳаммамизда кайфият яхши, ўйинларга тайёргарликни давом эттиряпмиз, деди ҳимоячимиз.

Эслатиб ўтамиз, Уругвай U-20 ва Ўзбекистон U-20 ўртасидаги учрашув Тошкент вақти билан 16-октябрга ўтар кечаси соат 02:00 да старт олади.