O‘zbekiston U-20 terma jamoasi himoyachisi G‘iyosjon Rizaqulov Urugvayga qarshi o‘yin oldidan o‘z fikrlarini bildirdi.

— Oktyabr oyida terma jamoa bilan 4 ta o‘yin o‘ynashimiz kerak edi. 2 ta uchrashuvni o‘tkazib bo‘ldik, menimcha, Argentinaga qarshi kerakli o‘yinlarda qatnashdik. Osiyo kubogiga ko‘p vaqt qolmadi, bu kabi kuchli raqiblarga qarshi o‘yinlar orqali musobaqaga tayyorgarlik ko‘ryapmiz.

Ertangi o‘yin haqida

— Urugvay ham yaxshi jamoa, biz yana 2 ta oson bo‘lmagan o‘yinda maydonga tushamiz. O‘z imkoniyatimizni namoyish etib, murabbiylarimiz ko‘rsatmalari bo‘yicha harakatlanamiz. O‘yinlarda g‘alaba qozonishga harakat qilamiz.

Jamoadagi ichki muhit

— Ichki muhit yaxshi, hamma birgalikda mehnat qilyapti. Hammamizda kayfiyat yaxshi, o‘yinlarga tayyorgarlikni davom ettiryapmiz, dedi himoyachimiz.

Eslatib o‘tamiz, Urugvay U-20 va O‘zbekiston U-20 o‘rtasidagi uchrashuv Toshkent vaqti bilan 16-oktyabrga o‘tar kechasi soat 02:00 da start oladi.