Швеция ОАВсига кўра, Килиан Мбаппе зўрлашда айбланган.
Аввалроқ, "Реал" ҳужумчиси Швецияга сафари чоғида дўстлари билан тунаб қолган Стокгольм марказидаги меҳмонхонада зўрлаш ҳақидаги шикоят юзасидан полиция текшируви бошлангани маълум бўлган эди. 10 октябрь куни Франциянинг Исроилга қарши Миллатлар лигаси ўйини куни гуруҳ ресторан ва тунги клубга ташриф буюришди — жабрланувчининг сўзларига кўра, меҳмонхонадаги жиноят шу куни содир бўлган.
Мбаппе бу маълумотни "сохта" деб атади ва бу хабар "ПСЖ"нинг унга 55 миллион евро миқдоридаги маош қарзини тўлаш ҳақидаги апелляцияси бўйича тингловдан бир кун олдин пайдо бўлганини таъкидлади. Париж клуби Мбаппенинг сўзларини "шармандалик" деб атади.
Швеция прокуратураси бугун футболчининг исмини тилга олмай, зўрлаш бўйича шикоятдан сўнг дастлабки тергов бошланганини эълон қилган пресс-релизни эълон қилди.
Швециянинг TV4 телеканалига кўра, полицияга мурожаат қилганида, жабрланувчи Мбаппе томонидан жинсий тажовузга учрагани ҳақида хабар берган. Прокуратура французга нисбатан тергов олиб бормоқда.
Таъкидланишича, аёл зўрланганлар учун шифохона бўлимига ёрдам сўраган.
Айни дамда Мбаппега Швеция полицияси томонидан "асосли равишда гумон қилинувчи" мақоми берилган. Бу Швецияда шубҳанинг энг паст даражаси.
