Эркин кураш бўйича Ўзбекистон терма жамоаси сафида Париж Олимпиадаси ғолиблигини қўлга киритган Разамбек Жамалов Инстаграм саҳифаси орқали шахсий мураббийи Муса Сайдулбаталовни табриклади.
Аввалроқ, Сайдулбаталов эркин кураш бўйича Ўзбекистон терма жамоаси бош мураббийи этиб тайинланган эди.
"Бундай пок ва самимий инсонни кам учратасиз, Ҳақ таоло менга шундай мураббийларни ҳадя этган, Алҳамдулиллаҳ! Мусони янги тайинлов билан табриклайман! Ушбу қийин ишда сизга сабр ва куч тилайман. Энди дунёнинг энг зўр мураббийларидан бири Ўзбекистонда ишлайди", деб ёзди Жамалов.
