Лиссабоннинг "Бенфика" клуби 2027 йилгача Португалия Примейра Лигасидан, шунингдек, бошқа барча маҳаллий профессионал мусобақалардан четлаштирилади. Бу ҳақдаги хабарни A Bola нашри тарқатди.
Манбага кўра, маҳаллий прокуратура машҳур пойтахт клубини коррупция, шунингдек, ҳужжатларни қалбакилаштириш ва солиққа оид фирибгарликда расман айблаган. Шундан сўнг, назорат органи "Бенфика"ни футболдан четлаштиришни талаб қилди, дисквалификациянинг мумкин бўлган муддати олти ойдан 36 ойгача.
Эслатиб ўтамиз, "Бенфика" миллий чемпионатдаги ғалабалар сони бўйича Португалия рекордчиси ҳисобланади. "Бургутлар" 38 марта Португалия чемпиони бўлган.
