"Манчестер Юнайтед" вингери Маркус Рэшфорд "ПСЖ"га ўтиши мумкин.
Team Talk нашри хабарига кўра, парижликлар раҳбарияти 2025 йилда 26 ёшли Рэшфорд билан ҳужум чизиғини кучайтиришни режалаштирган.
Эслатиб ўтамиз, "ПСЖ" футболчига аллақачон қизиқиш билдирган, бироқ у учун сўралган 120 миллион еврони тўлашга тайёр эмас эди.
Жорий мавсумда Рэшфорд барча турнирларни ҳисобга олган ҳолда 11 та учрашувда майдонга тушиб, 4 та гол урди ва 2 та голли узатмани амалга оширди. Айтиш жоизки, вингернинг "МЮ" билан шартномаси яна деярли тўрт йилга амал қилади.
Transfermarkt мутахассислари англиялик футболчининг нархини 60 миллион еврога баҳоламоқда.
