Англия терма жамоасининг собиқ бош мураббийи Харри Реднапп Томас Тухелнинг Англия терма жамоасига бош мураббий этиб тайинланишини қўллаб-қувватламади.
Англия футбол ассоциацияси немис мутахассиси билан аллақачон келишиб бўлган - у янги йил бошидан бу лавозимни эгаллайди ва "уч шерлар"ни навбатдаги жаҳон чемпионатига тайёрлайди.
"Мен Англия термасини инглиз мураббийи бошқаришини истайман. Мен жуда ватанпарварман ва ўйлайманки, бизга инглиз мураббийи керак, аммо танлов кўп эмас эди.
Премьер-лига ҳам камдан-кам ҳолларда маҳаллий мураббийларга ишонади. Чемпионатимизда ҳозир икки-уч нафар инглиз мураббийи бор.
Тухель тезда ўз клубларида ишини йўқотди. Уни муваффақиятга эришди дейиш қийин", - дея Реднаппнинг сўзларини келтиради Sky Sports.
