Халқаро футбол иттифоқи ФИФА терма жамоаларнинг янги рейтингини эълон қилди. Унга кўра миллий терма жамоамиз худди ўтган ойда бўлгани каби 521 очко билан 66-ўринни банд этган.

Амалдаги Осиё чемпиони Япония терма жамоаси бир поғона пастлаган ҳолда жадвалнинг 30 поғонасида зикр этилган. Жаҳон чемпионати саралаши доирасидаги кейинги рақибимиз Жанубий Корея терма жамоаси 42-ўрини сақлаб қолган.

Австралия ҳам бир ўрин пастлаган ҳолда 47-ўринда қайд этилган бўлса, яна бир гуруҳдошимиз Эрон жаҳоннинг 57-жамоаси бўлиб турибди.

Осиёда биздан кейинги ўринда Иордания турибди. Улар бир поғона ёқотган ҳолда 77 -ўринни эгаллаган.

Май ойи натижаларига кўра энг кучли жамоалар қуйидагича жойлашган.

1. Испания;
2. Германия;
3. Аргентина;
4. Хорватия;
5. Португалия;
6. Колумбия;
7. Англия;
8. Италия;
9. Голландия;
10. Эквадор;
11. Россия;
...
19. Бразилия;