"Ювентус" ярим ҳимоячиси Поль Погба жамоадоши Кенан Йилдизни мақтади.
19 ёшли туркиялик футболчи жорий мавсумда "бьянконерилар" сафида асосий таркиб футболчисига айланди. Вундеркинд Тиаго Мотта жамоаси сафида 9 та ўйинда битта гол урди ва иккита голли узатмани амалга оширди.
"Йилдиз 10-рақамга лойиқ. У ҳозир дунёнинг энг яхши ёш футболчиларидан бири.
Уни биринчи марта машғулотларда кўрганимда: "Худо, бу йигит асосий таркибнинг тўлақонли аъзоси бўлиши керак. Кенан ўзгача, мен уни яхши кўраман", деди 31 ёшли Погба La Gazzetta dello Sport нашрига.
