2024 йил сентабрида "Ан-Наср" бош мураббийлигидан бўшатилган Луиш Каштру португалиялик ҳужумчи Криштиану Роналду ҳақида гапирди.
"Криштиану энг яхши бўлишга қатъий қарор қилган ва шундай бўлади. Сиз уни ҳар куни машғулотларда кўрасиз. Унда доимий равишда ўйнаш, рекордлар янгилаш, энг чиройли голларни уриш истаги бор. У ҳамма нарсада қатъиятли бўлишда давом этади. У футбол унга деярли ҳамма нарсани берганини билади ва уни жуда яхши кўради", - дея Каштру сўзларини келтирмоқда Record.pt.
Каштру бошчилигида риёдликлар барча турнирларда 54 та ўйин ўтказиб, 36 марта ғалаба қозонган, 9 марта дуранг ўйнаган ва 9 марта мағлубиятга учраган.
